“ШЫМКЕНТКЕ КЕЛУГЕ 10 СЕБЕП”: туризм басшысы Шымкенттің ТОП-10 ерекшелігін атады

Шымкент келушілерді несімен қызықтырады? Туристерді тартатын ең негізгі нысандар қайсы? Шырайлы қаланың 10 ерекшелігін Шымкент қаласы Туризм және сыртқы байланыстар басқармасының басшысы Ерлан Қыдыров өзінің инстаграм желісіндегі (@kydyrov_yerlan) парақшасында атап өтті.

Басқарма басшысы өз жазбасында: “Шымкент — мезгілдің барлық уақытында да келуге қолайлы. Олай болса, «Шымкентке не үшін келемін?» деген сұрақ туындаса, бізден Шымкентке келуге 10 себеп болсын:
 
1. Қонақжай тұрғындары. Біз үшін әр турист – қонақ. Қонақжайлылық – біздің басты ерекшелігіміз.
2. Шуақты күндер. Шымкентте 365 күннің 300 күні шуақты күндер болып саналады.
3. Қонақ үйлердің саналуандығы. Хостелдерден бастап, халықаралық стандартқа сәйкес 5 жұлдызды қонақ үйлерге дейін таңдау мүмкіндігі бар.
4. Қолжетімді баға мен дәмді тағам. Шымкент – Қазақстанның гастрономиялық орталығы. Дәмді тағамдары – сізді таң қалдырары сөзсіз.
5. Тарихи-мәдени құндылықтары. 2200 жылдық тарихы бар қала сакралды туризмге бай. Оған дәлел, Қ. А. Ясауидің ата-анасы Ибрагим ата мен Қарашаш ананың кесенелері, Цитадель, Мәртөбе, Қызыр мұнарасы – біздің негізгі тарихи орындарымыз.
6. Дендрологиялық саябақ. Елімізде алғаш ашылған, жасыл желекке толы ауқымды демалыс орны. Қала қонақтарына табиғат аясында серуендеуге мүмкіндік береді.
7. Шымкент – оңтүстік өңірінің туристік орталығы. Қала маңына Ақсу Жабағылы қорығы, Сайрам-Өгем ұлттық саябағы, Қасқасу, Біркөлік сынды табиғаты тамаша демалыс аймақтары мен киелі Түркістан жақын орналасқан. 
8. «Қошқар ата» өзені. Жанға шипа, дертке дауа болатын бұлақ суы — Шымкент қаласынан бастау алады. Өзеннің басты ерекшелігі — қысы-жазы орта есеппен 11 градус температураны ұстап тұратын табиғаттың кереметі.
9. Ойын-сауық туризмі. Теннис, ипподром, мұз айдыны, аквапарк, зоосаябақ, цирк, стендтік ату, картинг, параплан, парашюттен секіру, тікұшақпен қаланы биіктен көру, театрлар мен музейлер сынды нысандар – отбасымен қызықты уақыт өткізуге мүмкіндік береді.
10. Қызғалдақтар мекені. Көктемде кілемдей төселген қызғалдақтар – келушілердің көз жауын алады”, — деген пост қалдырған.

АК ақпарат 

Ad Widget

Recommended For You

About the Author: admin

Добавить комментарий