— 01
📢 М.Әуезов атындағы Оңтүстік Қазақстан университетінде «Рухани жаңғыру» бағдарламасының 5 жылдығына орай «Жаңа Қазақстан — жаңа әлемде» тақырыбында халықаралық ғылыми-тәжірибелік конференция өтті.
📌 Аталған конференция барысында Түркістан облыстық тарихи-өлкетану музейінің қызметкерлері «Жаңа Қазақстан — жаңа әлемде» тақырыбында музей қорындағы жәдігерлерден көрме жасақтады. Отыз бірінші жылға аяқ басқан тұғырлы Тәуелсіздігіміздің тарихынан сыр шертетін көрмеге экскурсия жүргізілді.
🔗 Музей директоры, Қазақстанның педагогикалық академиясының профессоры Акмарал Кудайбергенова сөз сөйлеп, музей мен университет байланысын атап өтті.
🖇️ Халықаралық ғылыми тәжірибелік конференцияны музейіміздегі қоғамдық ғылыми-тәжірибелік кеңестің төрағасы, «Рухани жаңғыру және Қазақстан халқы Ассамблеясы» орталығының басшысы, тарих ғылымдарының кандидаты, доцент Гульнар Жанысбекова ұйымдастырды.
